Eftir jól.

Hæ og hó, long tæm nó ríd or ræt... af ýmsum ástæðum, aðallega þó annasemi  - og líka af smá leti .

Í dag erum við Aron heima, hann er með magapest.... allavega segir hann svo, hefur þó ekki ælt.

Samt hefur hann getað borðað og situr núna við hlið mér og teiknar í Fréttablaðið, skegg og þess háttar á konur og kalla.

Stórustu fréttirnar af okkur í dag eru þær að við erum flutt í Garðabæinn, sóttum húsgögnin á Hringbrautina á sunnudaginn. Nú er bara eftir að þrífa hinum megin og ganga frá ásamt því að týna til rest af smádóti sem ekki fór í kassa. Og svo auðvitað finna pláss fyrir allt saman hérna megin

Ágúst byrjaði í Flataskóla fyrir rúmri viku en Anton vill fá að klára veturinn í Hafnarfirðinum, Aron klárar leikskólann í Hafnarfirði en fer svo í 6ára bekk næsta haust hér í Garðabæ.

Við máluðum herbergi strákanna í björtum litum um daginn, þeir fengu að velja sér einn vegg í lit í hvert herbergi, Aron valdi eldrauðan -minnir að hann hafi heitið "passion red", Ágúst og Jökull eru saman í herbergi og völdu "retro orange" og Anton valdi líka þennan appelsínugula hjá sér. Bara smart og líflegt!

Við Kolbeinn skruppum til Köben eina helgi í janúar, heimsóttum bróður hans og fjölskyldu, það var mjög gaman að hitta þau.


Og auðvitað má ekki gleyma að minnast á stóra viðburð aðfangadags; trúlofun okkar Kolbeins 

Svo styttist óðara í fermingu Antons. Hann mætir í messu á sunnudögum plús að hann þarf að mæta í hitt og þetta tengt fermingunni, fermingarfræðslu, æskulýðsstarf ofl.
Full dagskrá!

Well, best að nýta tímann á meðan ekki er hægt að vinna og fara í að ganga hér frá, nóg er af dóti að sortera!!!

Knús og kram!

Athugasemdir

[www.zordis.com, 3.3.2009 kl. 13:57]

Til hamingju elsku Elín! Bara yndislegt allt nema magapestin hjá Aroni baroni. Vantar ekki smá brúnku á þessar hendur hahahhaha

Gangi þér vel í stússinu og vertu ekki að tapa þér neitt í tiltekt ..... (hér á að vera hjarta)

[Solla Guðjóns, 4.3.2009 kl. 00:20]

Til hamingju með allt þetta elsku Zóti minn

Gaman og gott að heyra af þér og þínum.

Mér líst vel á litavalið hjá strákunum og held að þessir litir saman séu mjög flottir.

[Halla frænka (IP-tala skráð) 8.3.2009 kl. 18:12]

Til hamingju með þetta allt Elin mín, mikið er gaman að allt gengur vel hjá ykkur. Vonast til að sjá þig sem fyrst. 

kveðja

Halla