Afrek, stór og smá.

 Afrek mín þessa dagana eru ekki mörg ef horft er fram hjá barnauppeldi og heimilisstörfum. Eitt og eitt lítið málverk lítur dagsins ljós, eins og þessi tómata uppskrift. Einn og einn klukkutími í vinnu. Það eru mælanleg afrek. Barnauppeldi og heimilisstörf eru illa mælanleg, heilu dagarnir líða án þess maður hafi komið nokkru í "verk". Ég stend mig svolítið að því að dæma mig eftir verkum mínum, ef ég get ekki mælt það sem ég hef gert þá telst það ekki með...... til dæmis segir maður ekki frá því að maður hafi gefið börnunum að borða eða að maður hafi þurrkað af í svefnherberginu eða þvegið af rúminu, -né að maður hafi leikið við yngsta barnið eða annað í þeim dúr, þetta eru allt sjálfsagðir hlutir... En þrátt fyrir allt þá verður það líklegast mitt stærsta afrek hér í lífinu að koma börnunum mínum til manna, búa þeim heimili og fæða og klæða. Stærra afrek en nokkur vinnustund eða fullklárað málverk.

Athugasemdir

[www.zordis.com, 28.4.2010 kl. 18:38]

Elskan mín, lífsins málverk er akkúrat þetta, barnauppeldið, brosin og horið sem læðir sér úr nös. Einhver lítil hetja með hita og eiginmaðurinn sem kemur heim með rós af því að það vantað blóm í hversdagsleika listaverksins er þið skapið saman!

Hlakka til að koma og verða hluti af þínu listaverki þótt ekki sé í langa stund .... Sætan mín!