Stuð á bæ

....eða þannig, ég var að mála.... en í þetta skiptið mjög einhæft, það er að segja einn lit - búin með 2 umferðir á loftið í svefnherberginu mínu og stefni á veggina á morgun... rosa dugleg!  Markmiðið er að mála alla íbúðina, en það fær bara að taka þann tíma sem það tekur, líklegast ekki það einfaldasta að mála loftið í stofunni þar sem þar er lofthæðin allavega 3,5 metrar? Vívillsí. Ég er allavega komin með slatta af málningu heim, bæði fyrir loft og veggi, hrímhvítt í bili, sé til hvort ég kaupi einhverja glaða liti með eða hvort ég láti mér duga litaglaðar gardínur.

Ég skrapp í strigabúð í morgun, sótti mér 2 striga sem voru 60x120, er að spá í hvort það verði stærðin mín á myndum á sýningunni í sumar, á eftir að gera það upp við mig, kannski ég meira að segja byrji á einhverri myndinni þessa helgina?

Ég og Aron erum alein í kotinu í augnablikinu, Anton er hjá daddíinum sínum og Ágúst hjá "álímdum"  vini í nágrenninu. Næsípæsí

Knús á alla, konur og kalla

Athugasemdir

[Solla Guðjóns, 20.1.2008 kl. 03:10]

Það gæti orðið flókið fyrir þig að mála þetta loft...........ættir þú ekki að krækja þér í voða langan kall og huga svo að þessu lofti.

Duglegu knús á þig.